病中安慰

舅父,見到你患病,我實在好難過,好傷心。好多謝你一直以來好照顧我同家人,你成日關心我地,問候我地,當我地有野請教你,想搵你幫手,你都好盡力幫我地。係我心目中你係好值得尊敬的長輩,亦都係我嘅榜樣。你唔會長氣咁說教,但你以身作則,教我點樣去愛人。我好記得我話唔想生仔,又花錢又花時間,你話人生意義在乎付出。我好印象深刻,因為我從來冇咁諗過。好多謝你,真係好感激你。我媽媽走左之後,你就係我最信任嘅親人,所以我好唔願意見到你有事,我好希望有神蹟,可以見返你精精神神。即使唔可以,我希望你能以最少痛苦回到天家。我知道將來我會係天家再見你。我好期待呢一日。希望你可以無牽掛咁走,唔洗擔心世上的一切,我地會照顧好自己,等候再見的日子。舅父,我哋全家都會好掛住你。我地愛你。

琦琦

Top crossmenuchevron-down